<![CDATA[elsasif.bloggar.is]]>

<![CDATA[elsasif.bloggar.is]]> http://elsasif.bloggar.is Bloggar.is 30 <![CDATA[Rauð jól!]]> http://elsasif.bloggar.is/blogg/417938/Raud_jol Gleðileg jól allir saman!

Flestir hafa gert sér grein fyrir að þessi síða sé komin á pásu.

Sjáum til hvað nýtt ár ber í skauti sér, aldrei að vita nema ég nenni að fara að tjá mínar skoðanir aftur.
En eins og er er nóg með Alísi, síðuna hennar, Láka og fjölskylduna. Ætla svo að bæta við skólabókunum eftir áramót. Bloggið mætir því algjörum afgangi.

Hafið það gott og sjáumst og heyrumst á nýju ári!!

]]> Wed, 24 Dec 2008 14:14:08 +0000 http://elsasif.bloggar.is/blogg/417938/Raud_jol <![CDATA[Zeitgeist: Komin tími til að vakna!!]]> http://elsasif.bloggar.is/blogg/404827/Zeitgeist_Komin_timi_til_ad_vakna Þetta eru tvær myndir sem gefa manni allt aðra mynd af veröldinni sem við búum í enn þá sem maður hefur gefið sér. Mynd númer 1 inniheldur grunnupplýsingar sem maður þarf að hafa fengið til að geta fyllilega skilið mynd númer 2. Þetta eru heimildarmyndir sem sýna okkur hverslags peð við erum í þessari veröld. Þess má geta að framleiðandi myndarinnar sá fyrir kreppuna sem upp er staðin í heiminum. Ekki kannski svona fljótt, en kreppan var greinilega óumflýjanleg.

Mest sjokkerandi fannst mér að ég hef tekið þátt í þessu. Gengið um í svefndrukknu þjóðfélagi og bara flotið með.

Þið sem ekki hafið gefið ykkur tíma til að sjá þessar myndir, gerið það fyrir mig að taka þann tíma núna. Ég á virkilega bágt með að skilja að nokkur geti horft á þessar myndir og haldið svo áfram sinni daglegu rútínu í sauðahópnum.

Maður spyr sig alltaf þegar maður les um hörmungar heimsins: hvað get ég svo sem gert sem persóna til að hjálpa? Allt fer til andskotans hvort eð er.

Enda er það satt, ein persóna gerir ekki mikið gagn. Enda gerir tilhugsunin mann hjálparvana og hálf þunglyndan. En ef maður leggur svo lítið á sig sem að breiða út vitneskjunni þá hefur manni tekist ansi margt. Og allt sem myndin mælir með sem getur hjálpað, eða flest, er ekki bara gott fyrir umheimin og framtíð barna manns, heldur ódýrara fyrir okkur í ofanálag.

Ég hef hitt tvær persónur sem sáu þessa mynd og gleymdi henni daginn eftir. Slíkt fólk er annað hvort latt, eða of hrætt til að horfast í augu við staðreyndirnar. Ætlum við virkilega að halda áfram að stinga hausnum ofan í sandinn og vona að við sleppum sæmilega út úr okkar lífi? Hvað með börnin okkar þá? Og börn þeirra?

Ég skora á alla sem þetta lesa að hætta þessari bölvuðu leti yfir heiladrepandi sjónvarpsefni og gefa sér nokkra tíma í þessar myndir. Og mæla með að vinir og kunningjar geri það sama.

Ég stoppaði myndirnar margoft til að geta tekið inn upplýsingarnar sem dælt er á mann. Oft spólaði ég til baka því ég vildi vera viss um að skilja þetta rétt. Svo ekki reyna að horfa á þetta með öðru auganu yfir kvöldmatargerðinni, það hefur ekkert upp á sig. Þetta er virkilega mikilvægt að mínu mati og skiptir mig miklu máli. Ég vona innilega að þetta skipti ykkur öll jafn miklu máli.

Að lokum vil ég minna ykkur á að í frá og með í dag er bara klukkutíma mismunur á milli Íslands og Noregs.
]]> Sun, 26 Oct 2008 10:30:33 +0000 http://elsasif.bloggar.is/blogg/404827/Zeitgeist_Komin_timi_til_ad_vakna <![CDATA[Á íslandi var yndislegt]]> http://elsasif.bloggar.is/blogg/403014/A_islandi_var_yndislegt Ferðalagið heim gekk rosa vel og mikill munur að hafa Krissa með. Ferðin til Íslands var nefnilega heldur strembin. En algjörlega þess virði.

Týndum myndavélinni (shock!!) svo það er komin smá myndapása þar til við höfum keypt nýja. Myndavélin varð eftir á hótelinu en hótelstarfsmennirnir finna hana ekki...

Alís er að kúra með pabba sínum svo ég verð að nota tækifærið og gera eitthvað af viti. Að blogga telst ekki vera eitthvað af viti. Ég gef mér betri tíma í spjall síðar.]]> Sun, 19 Oct 2008 13:00:05 +0000 http://elsasif.bloggar.is/blogg/403014/A_islandi_var_yndislegt <![CDATA[Tamm tamm tamm tammmmmmmm!]]> http://elsasif.bloggar.is/blogg/399767/Tamm_tamm_tamm_tammmmmmmm
Mér finnast afmælisdagar svo skemmtilegir og þess vegna finnst mér hálf leiðinlegt að dagurinn geti ekki snúist bara um hann.

En ég fann þó handa honum gjöf! Það er alveg kapítuli út af fyrir sig því maðurinn á ALLT!! Eða næstum, hann á ekki það sem ég ætla að gefa honum. Allt annað á hann. Grínlaust.

Stemningin magnast svo fyrir ferðalagið á miðvikudaginn. Ég er oggulítið stressuð yfir því að vera að fara með hálfkvefað barnið í 3 flug sama daginn, finnst það hálf illa gert af mér. En það verður svo æðislegt að koma heim og knúsa famílíuna!!

Jæja, ég held áfram að reyna að pakka. Svo kemur Krissi heim á morgun og pakkar upp á nýtt fyrir mig af því ég kann það ekki

]]> Mon, 06 Oct 2008 21:10:26 +0000 http://elsasif.bloggar.is/blogg/399767/Tamm_tamm_tamm_tammmmmmmm <![CDATA[Mjólkurþoka]]> http://elsasif.bloggar.is/blogg/399102/Mjolkurthoka Á hverjum morgni þegar ég vakna og tek mig til kemur að þeim tíma að ég stend fyrir framan spegilin og hugsa: Æ já, mig vantar maskara.
Svo "kreisti" ég út úr þeim gamla eins mikið og ég get.

Síðustu 3 daga hef ég verið stödd í verslanamiðstöð hérna rétt hjá. Og þá hugsa ég:
Vantar mig eitthvað?
Niðurstaðan er alltaf neikvæð.

Í gær var ég meira að segja inní H&M og stóð fyrir framan snyrtidótið og hugsaði:
Vantar mig snyrtidót?
Nei ég á nóg af öllu þessu drasli, nota hvort eð er voða lítið meik og augnskugga og allt þetta.

Döööö!
Hvernig er þetta hægt?]]> Sat, 04 Oct 2008 09:18:10 +0000 http://elsasif.bloggar.is/blogg/399102/Mjolkurthoka <![CDATA[Hvað eru sjómannsfrúr að kvarta?]]> http://elsasif.bloggar.is/blogg/398266/Hvad_eru_sjomannsfrur_ad_kvarta Svo heyriði það! Ég á lang mest bágt!

Alís þurfti bráðabirgðavegabréf til að fá að koma til Íslands sagði íslenska sendiráðið. Það var nú lygi, komst ég að í morgun þegar ég hitti Guðrúnu. Guðrún er líka að fara heim með sína litlu, reyndar Manni með henni, og hún þarf ekki bráðabirgðavegabréf. En hvað um það, ég er búin að leggja á mig að panta draslið og senda öll gögn og stressa mig í marga hringi svo barnið skal fá þetta blessaða vegabréf!

En sendiráðið er í Osló og fólk verður að mæta persónulega til að sækja vegabréfin hjá þeim. Það er ansi óheppilegt fyrir þá sem búa annars staðar enn í Osló, held það séu meira að segja ansi margir, svo það var gerð undanþága frá reglunni. Dæmið var sent ræðismanninum í Bergen en við þurfum samt að panta hjá honum tíma og mæta bæði persónulega og skrifa undir til að fá þetta.

Það er ekki akkúrat hlaupið að því sjáið til, því Krissi erfarin til Spánar og kemur seint á föstudag. Svo fer hann á sunnudag til einhvers skítapleis og kemur á þriðjudag.... Við fljúgum á miðvikudag svo eini glugginn er einhvers staðar fyrir fjögur á þriðjudag.

Og þá er stóra spurningin, hvenær skyldi heimilisfaðirinn stinga nefinu inn á þriðjudag? Ekki veit ég það, veist þú það?
]]> Wed, 01 Oct 2008 07:57:12 +0000 http://elsasif.bloggar.is/blogg/398266/Hvad_eru_sjomannsfrur_ad_kvarta <![CDATA[Ísland]]> http://elsasif.bloggar.is/blogg/397029/Island Lang stærstan part tímans ætlum við að nýta í faðmi fjölskyldu og monta okkur við frænkur og frændur og ömmur og afa og löngu ömmur, yfir því hvað við erum sætar (aðallega Alís samt þar sem ég hef nokkur kíló að standa skilum á ennþá).

Og ef einhver tími verður aflögu eftir dekurferð Alísar þá skal fólk ekki láta sér bregða að ég kannski slái á þráðin til að monta mig enn meira við alla fabjulus vini mína

Jeminn ég hlakka svo til!]]> Fri, 26 Sep 2008 15:56:24 +0000 http://elsasif.bloggar.is/blogg/397029/Island <![CDATA[Nýjar uppskriftir, nýr sími, nýtt barn?]]> http://elsasif.bloggar.is/blogg/395089/Nyjar_uppskriftir_nyr_simi_nytt_barn
Svo pantaði Krissi handa mér nýjan gsm síma á netinu og eftir langa bið er hann kominn á pósthúsið.

Alís litla skellti sér svo til hnykkjara í gær og nú kemur í ljós hvort það hafi hjálpað mallakútnum hennar eitthvað. Ég vona það svo innilega! Einhverjar breytingar hefur þessi tími haft í för með sér því pæjan er búin að sofa í vöggunni sinni í heila klukkustund í dag! Sjáum svo hvort þessi kærkomna breyting er komin til að vera.

En nú er hún vöknuð svo ég þarf að fara að vinna

]]> Fri, 19 Sep 2008 12:14:32 +0000 http://elsasif.bloggar.is/blogg/395089/Nyjar_uppskriftir_nyr_simi_nytt_barn <![CDATA[Yndisleg heimsókn]]> http://elsasif.bloggar.is/blogg/393501/Yndisleg_heimsokn
Það var alveg ólýsanlegt að hafa mömmu hérna. Ekki bara jókst öryggið mitt með hvort ég væri sæmileg mamma um 70%, heldur gekk hún líka um eins og stormsveipur hérna á heimilinu. Þegar hún var ekki að knúsa ömmustelpuna sína var hún að taka til, hjálpa mér að skipuleggja íbúðina betur, eða uppá fjöllum með Láka. Mér skilst hún sé að spá í að ættleiða hann

. Allt varð bara svo hrikalega mikið auðveldara á að fá "reynda mömmu" inná heimilið. Samspil okkar Alísar varð enn betra og það var svo gott að geta rætt og spekúlerað um hvað angraði lukkutröllið mitt hverju sinni. Þó hún sé ekki erfið og aldrei sé neitt alvarlegt að, þá er svo mikið betra þegar maður fær smá "input" frá sér reyndara fólki. Þá dúkka oftar en ekki upp hugmyndir sem maður hafði ekki spáð í fyrr.

Daníel fór nú líka fyrir mig með hundinn út og eldaði ofan í okkur dýrindis eggjaköku á la Daníel. Uppskriftin fæst ekki þar sem hann fer bara eftir "the gut feeling!". Æ hann var bara ofboðslega duglegur að hjálpa til við allt sem hann var beðin um, ekki kannski alltaf skælbrosandi yfir því, en ekki oft fúll heldur hihi.

Svo nú sit ég í skínandi hreinni og vel skipulagðri íbúð og sakna bara fjölskyldunnar alveg hræðilega. Stóri gallinn við að búa í öðru landi enn fjölskyldan, er að þegar maður hittir þau þá þarf maður alltaf á endanum að kveðja.

Jæja, held ég endi þetta væl bara. Knús og kossar í allar áttir frá mér.

]]> Sat, 13 Sep 2008 11:31:08 +0000 http://elsasif.bloggar.is/blogg/393501/Yndisleg_heimsokn <![CDATA[Mamma í mánuð]]> http://elsasif.bloggar.is/blogg/391425/Mamma_i_manud Já ég er búin að vera mamma í mánuð.
Mikið hefur gengið á þennan mánuð, of mikið til að blogga um.
Alís hefur verið yndisleg eins og engill og líka erfið. Hún stækkar og blómstrar og Láka er farið að finnast hún partur af heimilinu. Pabbinn kemur og fer eins og vinnan krefur.

Amman og móðurbróðirinn eru að koma í heimsókn á morgun og ég veit ekki hvor er hysterískari yfir heimsókninni. Amman sefur ekki og mamman telur niður í mínútum. Það er einhvern vegin eins og mamman búist við að öll vandamál og allar spurningar og allur efi hverfi eins og dögg fyrir sólu þegar amman kemur... Kannski eru það full miklar væntingar til einnar ömmu, en hjálpina hef ég allavega tryggða.

Þar sem ég nældi mér í hita og vesen um það leyti sem pabbinn fór að heiman þá var stórabróður komið fyrir í pössun fram að komu skyldmennana. Það létti á mér heilan helling þar sem það er mun auðveldara að hugsa bara um mig og Alísi. Dagsplanið hjá Alísi og Láka er nefnilega ekki enn orðið samkeyrt og því fer oft allt í keng þegar kemur að því að Láki þarf eitthvað en Alís langar ekki að fara að gera það akkurat þar og þá.

Jæja, stefnir allavega í mánaðarblogg hihihi. Sjáum hvort ég stend við það.
Knús og kossar frá okkur öllum.

]]> Thu, 04 Sep 2008 11:53:42 +0000 http://elsasif.bloggar.is/blogg/391425/Mamma_i_manud